ԲՀԿ-ն խուսափում է, Հովիկ Աբրահամյանը` հաստատում

ԱԺ նախագահ Հովիկ Աբրահամյանը երեկ լրագրողների հետ ճեպազրույցում հայտարարել էր, որ ԲՀԿ-ն չի պահանջի Սերժ Սարգսյանի հրաժարականը:

Armlur.am լրատվականի թղթակիցը ԲՀԿ անդամ Միքայել Մելքումյանից հետաքրքրվեց `  Հովիկ Աբրահամյանը լա՞վ  գիտի ԲՀԿ-ին և Ծառուկյանին, որ նման հայտարարություն է անում, Միքայել Մելքումյանն ասաց, որ  ԲՀԿ-ն շուտով կարձագանքի այդ հայտարարությանը:

-Իսկ միգուցե Հովիկ Աբրահամյանը Գագիկ Ծառուկյանին լավ ճանաչելո՞վ է այդպիսի հայտարարություն անում:

-Գիտեք ինչ, լավ ճանաչելը քաղաքական կատեգորիա չի:

-Վերջերս  ի պատասխան լրատվամիջոցների ներկայացուցիչների այն հարցադրմանը, թե արդյոք ԲՀԿ-ն կպահանջի Սերժ Սարգսյանի հրաժարականը, ասել էիք `  քայլ առ քայլ գնում ենք առաջ: Հիմա ԲՀԿ-ն կպահանջի՞ նախագահի հրաժարականը, թե ոչ:

-Էս փուլում  մենք պահանջում ենք կառավարության հրաժարականը: Տվյալ պահին  մենք շարժվում ենք առաջ: Դա Դուք եք ասում, մենք չենք ասում:

-Բայց հնարավոր՞ է, որ պահանջեք  Սերժ Սարգսյանի հրաժարականը:

-Քաղաքականության մեջ «եթե»-ներով, հնարավոր»-ներով չեն  խոսում, ես ասացի այն, ինչ ասացի:

Սոնա Դավթյան