![](https://armlur.am/wp-content/uploads/2024/05/l-33x0wh-1854x1080z-0.4241-3.jpeg)
Գիշերը Բիշքեկում անկարգություններ են եղել: Ղրղզստանի մայրաքաղաքի մի շարք շրջաններում բնակիչները ակցիաներ են անցկացրել՝ արդարադատություն պահանջելով Բիշքեկի հանրակացարաններից մեկում մայիսի 13-ին օտարերկրացիների և Ղրղզստանի քաղաքացիների միջև տեղի ունեցած զանգվածային ծեծկռտուքի մասնակիցների համար:
Երկրի առողջապահության նախարարության տվյալով՝ անկարգությունների հետևանքով տուժել է 30 մարդ, այդ թվում՝ օտարերկրացիներ: Տուժածներից երեքը մնում են հիվանդանոցում:
Ոստիկանությունն ուժեղացված հսկողության է սահմանել բոլոր հանրակացարաններում, որտեղ բնակվում են օտարերկրացիներ: Բողոքի ակցիաները դադարել են: