Հեղեղից տուժած բնակավայրերում կամավորական աշխատանքի կարիք կա․ ԿԳՄՍ նախարարը դիմել է ուսանողներին

ԿԳՄՍ նախարար Ժաննա Անդրեասյանը, դիմելով ուսանողներին, տեղեկացրել է, որ հեղեղից տուժած բնակավայրերում կամավորական աշխատանքի կարիք կա։

«Սիրելի ուսանողներ,

Հեղեղից տուժած բնակավայրերում կամավորական աշխատանքի կարիք կա։ Ձեզնից շատերը տարբեր բուհերից արդեն տեղում են և աջակցում են իրականացվող աշխատանքներին։

Ուսանողների նոր խմբեր տեղում կլինեն վաղը։ Մյուսներդ էլ, վստահ եմ, առաջիկա օրերին կմիանաք այդ կարևոր աշխատանքին»,- գրել է նախարարը։