ՏԵՍԱՆՅՈՒԹ․ «Հաց բերող» Արթուր Սարգսյանին կալանավորած Հակակոռուպցիոն կոմիտեի նախագահի տեղակալին շքանշանի են արժանացրել

Հայաստանի Հանրապետության նախագահ Վահագն Խաչատուրյանի հրամանագրերով Հանրապետության տոնի առթիվ ՀՀ հակակոռուպցիոն կոմիտեի նախագահի տեղակալ, արդարադատության առաջին դասի խորհրդական էդիկ Հակոբյանին շնորհվել է երրորդ դասի պետական խորհրդականի դասային աստիճան։

Նկատենք, որ Էդիկ Հակոբյանի անունը մամուլում հայտնվեց «Հաց Բերող» Արթուր Սարգսյանի մահվան դեպքից հետո։

201 7թվականին մարտի 6-ին «Դատապարտյալների հիվանդանոց» ՔԿՀ-ից ծանր վիճակով հիվանդանոց տեղափոխված Հաց բերող անունը ստացած Արթուր Սարգսյանը մահացավ: Նա «Սասնա ծռեր» զինված խմբավորման գործողությունների արդյունքում ՊՊԾ գնդում գերի մնացած ոստիկաններին, բժիշկներին եւ զինյալներին իր մեքենայով լի սնունդ էր տարել` վտանգելով կյանքը: Նրա արարքը բացառապես հումանիզմ էր:

2017 թվականի փետրվարի 9-ին հատուկ քննչական ծառայության քննիչ, «Սասնա ծռեր» խմբավորման գործով քննչական խմբի ղեկավար Էդիկ Հակոբյանը միջնորդություն էր ներկայացրել Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարան, որպեսզի նրան կալանավորեն: Ինչո՞ւ, որովհետեւ նա «տղայական մտածողություն» էր ցուցաբերել եւ երբ Արթուր Մկրտչյանին կանչել էր քննության, նա չէր գնացել` պատճառաբանելով, թե վատառողջ է, քննիչը վիրավորվել էր՝ ես կանչեմ, դու չգա՞ս:

Այսպիսով, քննիչ Էդիկ Հակոբյանը միջնորդել էր դատարանին` կալանավորել Արթուր Սարգսյանին: Արաբկիր եւ Քանաքեռ-Զեյթուն վարչական շրջանի ընդհանուր իրավասության դատարանի դատավոր Արթուր Մկրտչյանը բավարարել էր քննիչ Հակոբյանի որոշումը, եւ Հաց բերող Արթուրը կրկին կալանավորվեց: Ըստ ՀՔԾ-ի պաշտոնական հաղորդագրության՝ Ա. Սարգսյանը խախտել է իր նկատմամբ կիրառված` ստորագրությունը չհեռանալու մասին խափանման միջոցի պայմանները:

Մինչդեռ անկախ այն հանգամանքից, որ Արթուր Սարգսյանը պայման էր խախտել, քննչական խմբի ղեկավար Էդիկ Հակոբյանը պետք է հաշվի առներ, որ Արթուրը պատժի հետ անհամատեղելի հիվանդություն ուներ, նրան ՉԷՐ ԿԱՐԵԼԻ ԿԱԼԱՆԱՎՈՐԵԼ: Եւ ցուցաբերվեց ոչ պրոֆեսիոնալ վերաբերմունք. Արթուրը կալանավորվեց, հացադուլ հայտարարեց: Ճիշտ է՝ նրան պատգամավորների միջնորդության հիման վրա գրավի դիմաց ազատ արձակեցին: Իսկ ի՞նչ եղավ անառողջ մարդու համար հայտարարված հացադուլը, բոլորս տեսանք. նա իր մահկանացուն կնքեց հիվանդանոցում:

Մանրամասները՝ տեսանյութում։

Քնար Մանուկյան