Քաղաքացիները այսօր մայրաքաղաք Երևանում անհնազանդության ակցիաներ են իրականացրել։ Քիչ առաջ հայտնի դարձավ, որ այսօր փակ է եղել նաև Երևան-Վարդենիս մայրուղին։ Քաղաքացիները արգելափակել են Երևան-Վարդենիս մայրուղին Նորատուսի հատվածում։
ArmLur.am-ը փորձեց կապ հաստատել Վարդենիսի համայնքապետ Ահարոն Խաչատրյանի հետ, պարզելու համար, թե ինչու է արգելափակված ճանապարհը, սակայն մեր զանգերը մնացին անպատասխան, սակայն հաջողվեց կապ հաստատել Նորատուսի վարչական ղեկավարի՝ Անդրանիկ Գրիգորյանի հետ։
Մեզ հետ զրույցում Գրիգորյանն ասաց․
«Նորատուսի շրջանում չի փակվել ճանապարհը, Հայրեվանքի հատվածվում է փակվել։ Նորատուսի մոտ չի փակվել, բայց փակողների մեջ նորատուսցիներ են եղել, մարտունեցիներ, քյավառցիներ, վարդենիսցիներ, հայրիվանքցիներ, բոլոր տեղերից եղել են էլի։ Բայց ընդամենը 5 րոպե է փակ եղել»։
Փորձեցինք նաև ճշտել, թե ի՞նչ պատճառով է փակվել ճանապարհը, սակայն Նորատուսի վարչական ղեկավարն ասաց, որ ճանապարհը արգելափակելու պատճառը չի իմացել։
Աննա Սրապիոնյան
.gif)
