Ցավալի է բաց թողնել չեմպիոնությունը, բայց հպարտ եմ, որ դարձանք արծաթե մեդալակիր. Սպերցյան

«Կրասնոդարի» և Հայաստանի հավաքականի կիսապաշտպան Էդուարդ Սպերցյանն ամփոփել է Ռուսաստանի Պրեմիեր լիգայի 2023/24 մրցաշրջանը.

«Դժվար է խոսել այն էմոցիաների մասին, որոնք ունեմ։ Ցավալի է բաց թողնել չեմպիոնությունը, բայց հպարտ եմ, որ դարձանք արծաթե մեդալակիր։ Մենք պատմության մեջ առաջին անգամ ենք դառնում փոխչեմպիոն։ Թիմն արեց ամեն ինչ` չեմպիոն դառնալու համար, բայց չստացվեց»,- մեջբերում է ֆուտբոլիստի խոսքերը «РБ Спорт»-ը։

«Կրասնոդարն» առաջնության վերջին` 30-րդ տուրում, տանը 1-0 հաշվով հաղթել է Մոսկվայի «Դինամոյին», վաստակել 56 միավոր և զբաղեցրել երկրորդ տեղը։ Չեմպիոն դարձած Սանկտ Պետերբուրգի «Զենիթը» մրցակցին գերազանցել է ընդամենը 1 միավորով։