Մոսկվան, որպես Հայաստանի դաշնակից, պատրաստ է օգնության ձեռք մեկնել․ Զախարովան՝ աղետի գոտուն օգնություն տրամադրելու մասին

Հայաստանի իշխանությունները դրական են արձագանքել հանրապետությունում տեղի ունեցած ջրհեղեղի հետ կապված ռուսական կողմի օգնության առաջարկին։

Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ նշելով, որ Մոսկվան, որպես Երևանի դաշնակից, միշտ պատրաստ է օգնության ձեռք մեկնել՝ ելնելով հանրապետության կարիքներից։

«Մենք ևս մեկ անգամ մեր ցավակցությունն ենք հայտնում աղետի հետևանքով զոհվածների ընտանիքներին և ընկերներին, իսկ տուժածներին մաղթում ենք շուտափույթ ապաքինում»,- ասել է ՌԴ ԱԳՆ պաշտոնական ներկայացուցիչը։