Շվեդիայի վարչապետ Ուլֆ Քրիստերսոնը և Ուկրաինայի նախագահ Վլադիմիր Զելենսկին ուրբաթ օրը ստորագրել են անվտանգության ոլորտում համագործակցության երկկողմ համաձայնագիր, որով Ստոկհոլմը 2024-2026 թվականներին Կիևին կտրամադրի մոտավորապես 6,5 միլիարդ եվրոյի ռազմական օգնություն:
«Շվեդիան Ուկրաինային կտրամադրի մոտ 6,5 միլիարդ եվրո ռազմական օգնություն երեք տարվա ընթացքում»,- ասվում է Շվեդիայի կառավարության կայքում հրապարակված տեքստում։
Ընդգծվում է, որ 2022-2026 թվականներին Ուկրաինային տրամադրվող շվեդական օգնության ընդհանուր գումարը կկազմի առնվազն 105 միլիարդ շվեդական կրոն (ավելի քան 9 միլիարդ եվրո):
Բացի այդ, Շվեդիան պարտավորվել է Ուկրաինային տրամադրել ASC 890 հետախուզական ինքնաթիռ և շարունակել ջանքերը՝ ապահովելու JAS 39 Gripen բազմանպատակային կործանիչի հնարավոր տեղափոխումը Կիև։
Շվեդիան նաև «կնպաստի Ուկրաինայի վերականգնմանը և կաջակցի ԵՄ-ին և ՆԱՏՕ-ին Ուկրաինայի անդամակցությանն ուղղված բարեփոխումներին և նախապատրաստմանը», ասվում է համաձայնագրում։
.gif)
