Փարիզում կանցկացվի սննդի և խմիչքի միջազգային ցուցահանդես. Հայաստանը մասնակցելու է միասնական տաղավարով

Էկոնոմիկայի նախարարությունից հայտնում են՝ հոկտեմբերի 19-23-ը Ֆրանսիայի Հանրապետության Փարիզ քաղաքում կանցկացվի Sial-2024 սննդի և խմիչքի միջազգային ցուցահանդեսը:

Sial-2024-ը աշխարհի ամենամեծ արտահանման հարթակներից մեկն է։ Ցուցահանդեսին մասնակցությունը հնարավորություն է ընձեռում ծանոթանալու տարբեր երկրներից ներկայացված՝ համաշխարհային ճանաչում ունեցող՝ սննդի և խմիչքի արտադրողներին։

Ցուցահանդեսին Հայաստանի մասնակցությունը նախատեսված է միասնական տաղավարով, որն ընկերություններին կտրամադրվի անվճար։ Կացության և ճանապարհային ծախսերը հոգում են մասնակիցները։

Ցուցահանդեսի մանրամասներին և մասնակցության պայմաններին կարելի է ծանոթանալ այստեղ:

Միջոցառմանը մասնակցել ցանկացողները կարող են մինչև հունիսի 20-ը գրանցվել հետևյալ հղումով: