![](https://armlur.am/wp-content/uploads/2024/06/1852404016_0_68_2984_1746_1920x0_80_0_0_ec163002059eeefbe067cb37a5e52616-e1717866667944-1536x1048-1.jpg)
Դանիայի վարչապետ Մետե Ֆրեդերիկսենը ապաքինվում է Կոպենհագենում տղամարդու կողմից հարձակման ժամանակ ստացած աննշան վնասվածքից, հայտնում են եվրոպական լրատվամիջոցները:
Հաղորդվում է, որ միջադեպից հետո վարչապետը շոկի մեջ է եղել։ Նա պարանոցի թեթև վնասվածք է ստացել։ Ֆրեդերիկսենը չեղարկել է շաբաթ օրը նախատեսված աշխատանքային միջոցառումները։
Ավելի վաղ հայտնի էր դարձել, որ նախօրեին Դանիայի մայրաքաղաքի կենտրոնում անհայտ տղամարդը մոտեցել է Ֆրեդերիկսենին ու ուժեղ հրել նրան։ Վարչապետը կորցրել է հավասարակշռությունը, բայց ի վերջո կարողացել է խուսափել ընկնելուց։ Դեպքից անմիջապես հետո տղամարդը, ով փորձել է փախչել, բերման է ենթարկվել Դանիայի վարչապետի անվտանգության ծառայության կողմից։