Երեկ ՀՀ ազգային ժողովի մի խումբ հիմնականում երիտասարդ պատգամավորներ առավոտյան իրենց գործընկերներից գաղտնի մեկնել են Սիրիա՝ քեսաբահայերի խնդիրներին տեղում ծանոթանալու համար: Թե ինչ պիտի անեն պատգամավորները, դժվար չէր կռահել. նրանք Քեսաբ են մեկնել հիմնականում լուսանկարվելու և այն համացանցում տեղադրելու համար:
Հավելենք, որ Ազգային ժողովի նախագահ Հովիկ Աբրահամյանը խորհրդարանի պատվիրակության կազմը հաստատելիս Հայ հեղափոխական դաշնակցություն խմբակցության որևէ ներկայացուցչի հաշվի չի առել: Այն դեպքում, երբ ՀՅԴ-ն Սիրիայում բավական մեծ կառույց ունի եւ որի ներկայացուցիչները սիրիահայերին օգնելու համար կազմակերպել էին «Օգնիր եղբորդ» լայնածավալ նախաձեռնությունը:
Այսպիսով, ի՞նչ էին անում պատգամավորները Քեսաբում:
ԱԺ անկախ պատգամավոր Էդմոն Մարուքյանը տեղում ծանոթանում է քեսաբահայ պապիկի ներկայացրած խնդրին:
ԱԺ պատգամավոր Սամվել Ֆարամանյանն արդեն յուրացրել է սիրիահայերի խնդիրները և նույնիսկ հարցազրույց է տալիս՝ թերևս վարժ առոգանությամբ շարադրելով Քեսաբում առկա խնդիրները:
Ահա ողջ թիմի աշխատանքը՝ Քեսաբում: Նրանք «կարևոր գործերով» լուսանկարվել են և իրենց գործը հանգիստ կարող են ավարտված համարել: Բարի գալուստ Հայաստան:
Լուսանկարները՝ Էդմոն Մարուքյանի ֆեյսբուքյան էջից
.gif)
