ԶՈՒ ԳՇ պետը հանդիպել է Ֆրանսիայի ցամաքային զորքերի հրամանատարի հետ․ ինչ պայմանավորվածություններ են ձեռք բերվել

ՀՀ պաշտպանության նախարարի առաջին տեղակալ, ԶՈՒ գլխավոր շտաբի պետ, գեներալ-լեյտենանտ Էդվարդ Ասրյանը Գերմանիայում ընթացող Եվրոպայի ցամաքային զորքերի հրամանատարների համաժողովի շրջանակում հանդիպում է ունեցել Ֆրանսիայի ցամաքային զորքերի հրամանատար, գեներալ Պիեր Շիլլի հետ։

ՀՀ պաշտպանության նախարարության հաղորդմամբ՝ քննարկվել են համագործակցության հետագա զարգացմանն առնչվող հարցեր, մասնավորապես՝ փորձի փոխանակման և անձնակազմի պատրաստության ուղղություններով:

Նշվում է, որ ձեռք են բերվել պայմանավորվածություններ համագործակցությունն առավել զարգացնելու ուղղությամբ։