![](https://armlur.am/wp-content/uploads/2024/06/448210623_860677979433100_5493669667541172440_n-850x478-1.jpg)
ՀՀ ԱՆ «Նուբարաշեն» քրեակատարողական հիմնարկի անվտանգության ապահովման բաժնում տեղեկություններ էին ստացվել այն մասին, որ փաթեթի ներնետման միջոցով փորձ է արվելու հիմնարկ անցկացնել թմրամիջոցներ և արգելված իրեր։
Իրացնելով ստացված տեղեկությունները՝ ծառայողները զննության են ենթարկել հիմնարկի ողջ տարածքը և անցակետերից մեկի տանիքին հայտնաբերել փնտրվող փաթեթը։
Դեպքի առթիվ հաղորդում է ներկայացվել ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժին։ Քրեակատարողական ծառայողների մասնակցությամբ դեպքի վայր ժամանած քննիչը փաթեթում հայտնաբերել է թմրամիջոցի նմանվող զանգվածներ, բջջային հեռախոս, անլար ականջակալներ, բջջային հեռախոսի մարտկոց և լիցքավորման լարեր։