Ավանեսյանը հաղթահարեց որակավորման փուլը․ Բիրմինգհեմ

Ռուսաստանը ներկայացնող հայ թենիսիստուհի Էլինա Ավանեսյանը հաղթահարել է Բիրմինգհեմի WTA-250 շարքի մրցաշարի որակավորման փուլն ու հանդես կգա հիմնական հատվածում։

Որակավորման առաջին փուլում 21-ամյա թենիսիտուհին 6-3, 6-4 հաշվով առավելության է հասել Էմիլի Էպլտոնի (Մեծ Բրիտանիա, 356-րդ ռակետ) նկատմամբ, իսկ այնուհետև 6-1, 6-4 հաշվով հաղթել Կարոլին Դոլհայդին (ԱՄՆ, 58-րդ ռակետ)։

Դեռևս հայտնի չէ մրաշարի հիմնական հատվածում Ավանեսյանի առաջին մրցակիցը։ Մրցաշարի առաջին համարը, աշխարհի 13-րդ ռակետ լատվիացի Յելենա Օստապենկոն է։