![](https://armlur.am/wp-content/uploads/2024/06/417446996_866437615524856_4188284062303975514_n.jpg)
Արդարադատության նախարարությունից տեղեկացնում են, որ նոտարների թեկնածուների որակավորման ստուգման առաջին և երկրորդ փուլերը հաղթահարած երկու մասնակիցները Արդարադատության նախարարի հունիսի 17-ի հրամաններով նշանակվել են «Լոռու մարզ» (նստավայրեր՝ ք. Վանաձոր, ք. Ստեփանավան) նոտարական տարածքի նոտարների պաշտոնում:
Ընթացակարգի համաձայն՝ որակավորման ստուգման փուլերի ավարտից հետո նոտարների թեկնածուների որակավորման հանձնաժողովը ընդունում է որոշում մասնակիցների կողմից երկու փուլերը հաղթահարելու մասին և Նոտարական պալատի դրական եզրակացությունները ստանալուց հետո առաջարկում է Արդարադատության նախարարին՝ նշված մասնակիցներին նոտարի պաշտոնում նշանակելու վերաբերյալ:
Արդյունքում՝ արդարադատության նախարար Գրիգոր Մինասյանի հրամանով՝ Սոնա Դանիելյանը նշանակվել է Լոռու մարզի նոտար, նստավայրը՝ քաղաք Վանաձոր, իսկ Սյուզաննա Գրիգորյանը՝ Լոռու մարզի նոտար, նստավայրը՝ քաղաք Ստեփանավան: