ՀՀ պաշտպանության նախարարությունը «Վարժական հավաքներ հայտարարելու մասին» նախագիծ է շրջանառության մեջ դրել, որով նախատեսվում է 2024 թվականի սեպտեմբերի 15-ից մինչև դեկտեմբերի 15-ը պահեստազորայինների վարժական հավաքներ անցկացնել։
ArmLur.am-ի տեղեկությունների համաձայն՝ իշխանությունները պատրաստվում են շրջանառել նաև նախագիծ, ըստ որի ներկայումս առկա 25-օրյա վարժական հավաքները ապագայում դառնալու են 90-օրյա։
ArmLur.am-ը դիմեց ՀՀ Պաշտպանության նախարարության մամուլի ծառայություն՝ հարցադրմամբ՝ արդյոք 25-օրյա հավաքները 90-օրյա դարձնելու նախագիծ կա, անգամ քննարկվում է այն ՀՀ կառավարության նիստերի օրակարգ մտցնելու հարցը։ Նախարարությունից մեզ փոխանցեցին, որ «հարցադրման մեջ նշված տեղեկությունը չի համապատասխանում իրականությանը, նման հարց օրակարգում չկա»։
Սակայն զինվորականների շրջանում առկա տեղեկատվությունը փաստում է այլ բան։ Սպասենք զարգացումներին։
Մանրամասները՝ տեսանյութում։
Էմմա Միքայելյան
.gif)
