Մթության մեջ կորած է ողջ փողոցը. Սարի թաղի բնակիչն ահազանգում է․ ինչ են մեկնաբանում Երևանի դիսպերչերական ծառայությունից

Երևանի Էրեբունի վարչական շրջանի Սարի թաղից ArmLur.am-ին ահազանգում են, որ 10-րդ շարքում գիշերը փողոցում լուսավորություն չի իրականացվում։

«Երեկոյան ժամերի, երբ երեխաս տուն է գալիս, ամբողջ փողոցում մի լույս չկա, մթության մեջ կորած է ողջ փողոցը»-պատմում է տեղի բնակիչը։

Բնակչի խոսքով՝ վերջին մի քանի տարին է, ինչ փողոցում լույսեր են տեղադրել։
«Բայց ում է պետք, որ տեղադրեցին։ Սկզբի ժամանակները վառեցին, հիմա էլի չկա»։

ArmLur.am-ը կապ հաստատեց Երևանի դիսպերչերական ծառայության պետ Իսահակ Գասպարյան հետ՝ մեկնաբանություն ստանալու նպատակով, վերջինս պատասխանեց, որ քաղաքացու ասածը սուտ է:

«Ոնց դուք եք սնվում Հայաստանի էլեկտրական ցանցից, այդպես էլ փողոցի լուսավորությունն է, եթե էլեկտրացանցում վթար է լինում, փողոցի լուսավորությունը չի լինում, դա մեր խնդիրը չի արդեն, դա էլեկտրոցանցի խնդիրն է արդեն»:

Էմմա Մարտիրոսյան