ՏԵՍԱՆՅՈՒԹ․ ՔՊ-ականները միմյանց դեմ են դուրս եկել․ դատարանը ՔՊ անդամի դեմ որոշում է կայացրել

ՔՊ-ական «Սիսիանի բնակարանային կոմունալ տնտեսություն» ՀՈԱԿ տնօրեն Դավիթ Մարգարյանի մասով դատարանը վճիռը հրապարակել է։ Ինչպես են քպ-ականները միմյանց դեմ դուրս եկել:

ArmLur.am-ը գրել էր, որ «Սիսիանի բնակարանային կոմունալ տնտեսություն» ՀՈԱԿ-ում՝ որպես տնօրեն աշխատելու համար նա կեղծ փաստաթղթեր էր ներկայացրել իրավասու մարմիններին: Արդյունքում նախաքննական մարմինը ՔՊ անդամ Դավիթ Մարգարյանին մեղադրանք էր առաջադրել այն բանի համար, որ նա օգտագործել է փաստաթուղթ կազմելու, տալու կամ դրա իսկությունը հավաստելու իրավասություն ունեցող կազմակերպության կողմից տրվող իրավաբանական նշանակություն ունեցող փաստ հավաստող, իրավունք վերապահող և պատասխանատվությունից ազատող կեղծ փաստաթղթեր։

Արդյունքում դատարանը Դավիթ Մարգարյանին մեղավոր է ճանաչել 2003 թվականի ապրիլի 18-ին ընդունված ՀՀ քրեական օրենսգրքի 325-րդ հոդվածի 1-ին նախատեսված հանցանքի կատարման մեջ և որպես պատիժ նշանակել տուգանք՝ նվազագույն աշխատավարձի երկուհարյուրապատիկի՝ 200․000 ՀՀ դրամի չափով:

Դավիթ Մարգարյանից հօգուտ Հայաստանի Հանրապետության պետական բյուջեի բռնագանձել փորձաքննության արժեք կազմող 738․000 (յոթ հարյուր երեսունութ հազար) ՀՀ դրամը՝ որպես վարույթային ծախս:

ArmLur.am-ին հայտնի դարձավ, որ Դավիթ Մարգարյանի դեմ հաղորդում է ներկայացրել ՄԻՊ իրավապաշտպան, ՀԿ խորհրդի նախագահ Ներսես Խաչատրյանը, որ ՔՊ-ի սրտի իրավապաշտպանն է, ու ըստ էության՝ ՔՊ-ականներին դատարանի դռներն է հասցնում:

ArmLur.am-ը ավելի վաղ գրել էր․ «Ուշագրավ իրավիճակ է ստեղծվել Սյունիքի մարզում: «Քաղաքացիական պայմանագիր» խմբակցության պատգամավոր Կարեն Համբարձումյանը մարզում իր մտերիմներին կեղծ տեղեկանքներով պաշտոնների է նշանակում: Քաղաքական իշխանության մեր աղբյուրների փոխանցմամբ՝ նա Սյունիքի մարզում ինչ ուզում, ոնց ուզում, անում է:

Մանրամասները՝ տեսանյութում

Քնար Մանուկյան