ՖՈՏՈ. Ադոնց փողոցում հսկայական փոս են փորել` վթար է. «Վեոլիա ջուր»-ը խաբում է բնակիչներին

Armlur.am-ը տեղեկացրել էր, որ Արաբկիր վարչական շրջանում խայտառակ իրավիճակ է, քանի որ արդեն 36 ժամ է՝ ջուր չկա:

Բնակիչներն ահազանգում են, որ «Վեոլիա ջուր» ընկերությունը անդադար խաբում է, տարբեր ժամեր է ասում, թե կվերականվի ջրամատակարարումը, բայց այդպես էլ չեն կարողանում վթարը վերականգնել:

Բնակիչները տարբեր վարչական շրջաններից ջուր են «կրում»:

Քիչ առաջ Ադոնց փողոցի բնակիչները Armlur.am-ին ահազանգեցին, որ նման հսկայական փոսեր են փորել` վթար կա նաև այդ հատվածում:

Ի դեպ, «Վեոլիա ջուր» ընկերությունը հայտարարել էր, թե այսօր մինչև 23.00-ին կվերականգնեն ջրամատակարարումը, սակայն քիչ առաջ մեզ փոխանցեցին, որ ժամը փոխվել է, իբրև թե ջուր կլինի 03.00-ին: Սա էլ դեռևս վերջնական չէ, հնարավոր է աշխատանքները երկարաձգվեն: