Գլխավոր դատախազ Գևորգ Կոստանյանը ադեկվատ է որակում «Հարսնաքար»-ի գործով ամբաստանյալների նկատմամբ սահմանված պատժաչափերը:
Այս մասին գրում է Ազատություն ռադիոկայանը-ը:
«Գլխավոր դատախազից հետաքրքրվեցինք, արդյոք պատրաստվում են իրավական գնահատական տալ դատավճռի հրապարակման օրը դատարանի դահլիճում տեղի ունեցած միջադեպին:
Հիշեցնենք, որ օրերս «Հարսնաքար»-ի գործով դատավճռի հրապարակման ժամանակ ամբաստանյալներն ու նրանց հարազատները հայհոյանքներ,, սպառնալիքներ ու անեծքներ էին հասցեագրել տուժող կողմի փաստաբաններին, նրանց ընտանիքի անդամներին: Ամբաստանյալների հարազատները նաև ինչ-որ առարկաներ նետեցին նսիտը նախագահող դատավորի ու լրագրողների ուղղությամբ:
Ահա թե ինչ ասաց այս կապակցությամբ գլխավոր դատախազ Գևորգ Կոստանյանը. «Համապատասխանաբար դատական նիստի արձանագրությանը ծանոթանալուց հետո գնահատականներ կտրվեն. արդյո՞ք մենք խոսում ենք քրեաիրավական դրսևորումների մասին, թե՞ ոչ»:
Հիշեցնենք, որ Ավան և Նոր Նորք վարչական շրջանների ընդհանուր իրավասության դատարանի հրապարակած դատավճռով զինվորական բժիշկ Վահե Ավետյանի մահվան մեջ մեղադրվող 6 ամբաստանյալները դատապարտվեցին 12-ական տարվա ազատազրկման և վարչական տույժի՝ 100 հազարական դրամի չափով»։
Մանրամասն` այստեղ:
.gif)
