Փաշինյանը դժգոհ էր ռազմարդյունաբերության վիճակից թե՞ Արտյոմ Մեհրաբյանի բուրժուական կյանքից

Նախօրեին աշխատանքից ազատվեց Ռազմարդյունաբերական կոմիտեի նորանշանակ ղեկավար Արտյոմ Մեհրաբյանը, ում աստղը փայլեց հեղափոխությունից հետո, երբ վերջինս պաշտոնից պաշտոն էր տեղափոխվում։

Արտյոմ Մեհրաբյանը, ՔՊ-ի բնորոշմամբ, «նախկին թալանչու» որդի է, ում հայրը ՀՀՇ իշխանության ժամանակ գերկոռումպացված ստանդարտների կոմիտեի նախագահ Ղուկաս Մեհրաբյանն էր։

Եվ ահա թալանի դեմ պայքարի հերթական մարտիկը՝ ի թիվս այլ հարցերի, 54.8 միլիոն դրամով բնակարան պետք է ձեռք բերի «Ֆիզգառադոկի» սկանդալային էլիտար շենքում Ռատկո ՍՊԸ-ից։

Նիկոլ Փաշինյանի կադրային փոփոխությամբ արտահայտված հերթական դժգոհությունը կապված է թիմակիցների շվայտ ապրելակերպի, թե ռազմարդյունաբերական ոլորտը ձախողելու հետ, պարզ կդառնա նախընտրական 2025 թվականին թիմակիցներին զոհաբերել-չզոհաբերելու գործընթացներից։

Ի դեպ՝ Մեհրաբյանի հայտարարագրերում (2022-2024թթ) կինը՝ Աննա Բալայանը, ամենուր նշվում է որպես Աջափնյակ վարչական շրջանի ընդհանուր բաժնի ղեկավար, սակայն ըստ պաշտոնական կայքի՝ 2022 թվականից այդ բաժինը ղեկավարում է բոլորովին այլ անձ։