Իրանը պատրաստ է Ռուսաստանի հետ համապարփակ ռազմավարական գործընկերության մասին պայմանագիր ստորագրել հոկտեմբերին Կազանում կայանալիք BRICS-ի գագաթնաժողովում: Այս մասին հայտարարել է Իրանի նորընտիր նախագահ Մասուդ Փեզեշքիանը Վլադիմիր Պուտինի հետ հեռախոսազրույցում, փոխանցում է իրանական IRNA գործակալությունը:
«Իրանի և Ռուսաստանի միջև Համապարփակ համագործակցության մասին համաձայնագրի փաստաթղթերի նախապատրաստումն ավարտված է․ մենք պատրաստ ենք այն ստորագրել Ռուսաստանում BRICS-ի գագաթնաժողովի շրջանակում։ Մենք մեծ նշանակություն ենք տալիս Ռուսաստանի հետ հարաբերություններին, և, անկասկած, կամրապնդենք այդ հարաբերությունները», -ասել է Իրանի նախագահը:
Հեռախոսազրույցի ընթացքում Փեզեշքիանն ընդգծել է BRICS-ում, Շանհայի համագործակցության կազմակերպությունում, ԵԱՏՄ-ում և միջազգային ու տարածաշրջանային հարթակներում երկու պետությունների համագործակցության կարևորությունը։
.gif)
