Ուկրաինայի մեղադրանքները Ռուսաստանին՝ քաղաքացիական ենթակառուցվածքների օբյեկտներին հարվածելու վերաբերյալ, հերթական սադրանքն են։ Այս մասին Sputnik ռադիոկայանի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Սա ևս մեկ սադրանք է, որը ձեռնարկել է Կիևի ռեժիմը՝ իբր հիմք գտնելով Ռուսաստանին մեղադրելու քաղաքացիական օբյեկտներին հարվածելու մեջ», – ասել է դիվանագետը:
Ինչպես նշել է Զախարովան, Ռուսաստանը «պատասխանում և հարվածում է այն թիրախներին, որտեղից Կիևի ռեժիմը հարձակվում է ռուսական քաղաքացիական ենթակառուցվածքների վրա», ինչպես նաև այն շրջաններըին, որոնք Ուկրաինան դեռ իրենն է համարում։
Ավելի վաղ ուկրաինական իշխանությունները Ռուսաստանին մեղադրել էին Կիևում քաղաքացիական օբյեկտների, մասնավորապես Օխմատդիտի հիվանդանոցի վրա հարձակվելու համար։ Մոսկվան հերքել էր այդ պնդումները՝ ասելով, որ դրանք չեն համապատասխանում իրականությանը, իսկ հիվանդանոցը «խոցվել է ուկրաինական հակաօդային պաշտպանության հրթիռով»:
.gif)
