Փրկարարները դուրս են բերել արգելափակված թռչնին

Հուլիսի 12-ին, ժամը 13:06-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գյումրի քաղաքի Գորկու փողոցի թիվ 107 շենքի 2-րդ հարկի մակարդակում կա արգելափակված թռչուն. թռչնին դուրս բերելու համար անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարներն արգելափակումից դուրս են բերել ծիծեռնակի: