Ռուսաստանի և Միացյալ Նահանգների պաշտպանության նախարարներ Անդրեյ Բելոուսովը և Լլոյդ Օսթինը հեռախոսազրույց են ունեցել, հայտնում են երկու երկրների ռազմական գերատեսչություններից, փոխանցում է «ՌԻԱ Նովոստի»-ն:
«Ռուսական կողմի նախաձեռնությամբ հեռախոսազրույց է տեղի ունեցել Ռուսաստանի Դաշնության պաշտպանության նախարար Անդրեյ Բելոուսովի և ԱՄՆ պաշտպանության նախարար Լլոյդ Օսթինի միջև: Քննարկվել է անվտանգության սպառնալիքները կանխելու և հնարավոր էսկալացիայի ռիսկի նվազեցման հարցը», – ասված է ՌԴ ՊՆ հաղորդագրությունում:
Իր հերթին Պենտագոնը նշել է, որ Օսթինը մատնանշել է ուկրաինական շարունակվող հակամարտության համատեքստում հաղորդակցության ուղիները բաց պահելու կարևորությունը։
Սա երկու նախարարների երկրորդ խոսակցությունն է մեկ ամսվա ընթացքում։
.gif)
