ՀՀ վարչապետ Նիկոլ Փաշինյանը հեռավոր 2019-ին, երբ ներկայացնում էր մինչեւ 2050 թվականը Հայաստանի ռազմավարական նպատակադրումների նախագիծը, հստակ սահմանումներ էր դրել, որ կառավարության յուրաքանչյուր քայլ տանելու է դրան։
Օրինակ՝ Նիկոլ Փաշինյանը սահմանել էր, որ մինչեւ 2050 թվականը Հայաստանի բնակչությունը պետք է հասցնել առնվազն 5 միլիոն մարդու:
Ըստ Վիճակագրական կոմիտեի՝ 2018 թվականին ՀՀ բնակչությունը կազմել է 2 մլն 972 հազար մարդ, 2023 թվականին՝ 2 մլն 990 հազար մարդ։
6 տարվա ընթացքում ՀՀ բնակչությունը ավելացել է 18-20 հազար մարդով, եթե կատարվի սովորական թվաբանական հաշվարկ, ապա կնկատենք, որ նույն ակտիվությամբ մինչև 2050 թվականը կավելանա ընդամենը 160 հազար մարդ։
Սրան զուգահեռ հարկ է նշել, որ Հայաստանից ՀՀ անձնագրով մեկնել է 2 մլն 8 հազար 647 քաղաքացի, ժամանել՝ 1 մլն 972 հազար 135 քաղաքացի։ Մեկնող և չվերադարձողների թիվը 10 տարվա կտրվածքով 291 հազար 327 մարդ է։
Վիճակագրական կոմիտեի տվյալներից կարող ենք եզրակացնել, որ ՀՀ բնակչությունը դեռ երկար ժամանակ (մինչև 2050 թվականը) ակտիվ աճ դժվար թե գրանցի։
.gif)
