Արդեն հայտնի են Երևանի «Ոսկե ծիրան» կինոփառատոնի GAIFF Pro արտադրության և ֆինանսավորման հարթակի հաղթողների անունները։
Արդյունաբերության պլատֆորմի շրջանակում ներկայացված էր 15 երկրների կինոգործիչների և պրոդյուսերների 17 նախագիծ, որոնցից 12-ը մշակման փուլում են, իսկ 5-ը գտնվում են ընթացիկ փուլում: Շարքը ներառում է նախագծեր Սաուդյան Արաբիայից, Կիպրոսից, Վրաստանից, Իրանից, Լիբանանից և Հայաստանից, ինչպես նաև համատեղ արտադրության գործընկեր երկրներից՝ ներառյալ Ֆրանսիան, Սերբիան, Գերմանիան, Միացյալ Նահանգները և Բելգիան։
Նշենք, որ միջազգային ժյուրին մրցանակ է տվել զարգացման փուլում գտնվող Մոջգան Սայադիի «Արյան գին» նախագծին՝ 5000 ԱՄՆ դոլար մրցանակ։ Հատուկ հիշատակման է արժանացել Լիլիթ Մխիթարյանի «Արարատից տասնչորս ու կես կիլոմետր հեռավորության վրա» ֆիլմը։
Դիանա Կարդումյանի «Լռիր» ֆիլմն արժանացել է ժյուրիի նախաարտադրության և գովազդային փաթեթի մրցանակի։ Մենթորական մրցանակի է արժանացել Նաիրի Հախվերդիի «Ռելսերի միջև» ֆիլմը։
Լավագույն կարճամետրաժ ֆիլմի նախագիծ է ճանաչվել Օվսաննա Շեկոյանի «Հանգիստ կապույտ» նախագիծը, իսկ հատուկ հիշատակման արժանացել՝ Սոնա Խաչատրյանի «Մասունքը»։
Աննա Սրապիոնյան
.gif)
