![](https://armlur.am/wp-content/uploads/2024/07/veolia_jur-1-822x445-1.jpg)
«Վեոլիա ջուր» ՓԲԸ-ն չի դադարում տհաճ անակնկալներ մատուցել իր բաժանորդներին։
Ամեն օր ավելանում են այն բողոքները, որ ջրամատակարարումը պարբերաբար և առանց նախազգուշացնելու դադարեցնում են, սակայն ավելի վատն այն է, որ ջրամատակարարման վերականգնումից հետո ծորակից հոսող ջուրը խմելը անհնարին է։
ArmLur.am-ի խմբագրություն ահազանգել են բազմաթիվ քաղաքացիներ՝ նշելով, որ ծորակից հոսող ջուրը անհնար է խմել կամ էլ հնարավոր է միայն եռացնելուց հետո այն օգտագործել։
Քաղաքացիներից մեկն էլ, ով բնակվում է Քանաքեռ-Զեյթուն վարչական շրջանում, ահազանգել է, որ ծորակից հոսող ջուրը կապույտ գույն ունի, ինչը անհնարին է խմել անգամ եռացնելուց հետո։
Այս հարցով դիմեցինք «Վեոլիա ջուր» ՓԲԸ՝ պարզելու՝ ի՞նչն է պատճառը, որ ծորակից հոսող ջուրը նման երանգ ունի և ինչո՞ւ իրենց բաժանորդները չեն կարող խմել ծորկի ջուրը։
«Վեոլիա ջուր» ՓԲԸ-ից ArmLur.am-ին հորդորեցին գրավոր հարցում ուղարկել։
Հարցման պատասխանները ստանալուց հետո՝ ArmLur.am-ը այն կհրապարակի։
Աննա Սրապիոնյան