Կինը ծննդաբերությունից առաջ է իմացել, որ հղի չէ

Կանադացի բժիշկները կանանցից մեկի մոտ հայտնաբերել են ֆանտոմային հղիության բացառիկ դեպք: Քվեբեկի բնակչուհի Բարբարա Բենվենյուն հիվանդանոց է եկել և հայտարարել, որ ի8 ծննդաբերելու ժամանակն է:

Ընդ որում նա պնդել է, որ 5 երեխա է ունենալու, հայտնում է mail.ru-ն: Չնայած այն բանի, որ կնոջ փորն իսկապես շատ մեծ է եղել, հետազոտությունը ցույց է տվել, որ արգանդում պտուղ չկա:

Պարզվել է, որ Բարբարան տառապում է շատ հազվադեպ հիվանդությամբ `  ֆանտոմային հղիությամբ: Կանադուհու քաղաքացիական ամուսինը խոստովանել է, որ շոկի մեջ է: Նա մի քանի ամիս ուրախացել է ապագա հայրության առթիվ և անուններ է ընտրել հինգ երեխաների համար:

Ավելին, նա պատրաստ է հաստատել, որ իր կինն ունեցել է հղիությանը հատուկ հատկանիշներ, իսկ նրա որովայնը մեծացել է ենթադրվող ծննդաբերության ժամկետի մոտեցման հետ մեկտեղ:

Ներկա պահին կանադուհին բուժվում է , իսկ նրա ամուսինը հեռացել է ` ի զորու չլինելով հաշտվել խաբված հույսերի հետ: Կեղծ հղիությունը Բարբարա Բենվենյուի մոտ առաջին անգամ չէ որ նկատվումէ: Ավելի վաղ նա իբր պատրաստվել է երկու և երեք երեխա ծննդաբերել:

Ի դեպ, բազմաթիվ դեպքեր են հայտնի, երբ ֆանտոմային հղիությամբ են տառապում հղի կանանց ամուսինները: