Երևանում ավտոմեքենա է հրդեհվել. տուժածները ծանր վիճակում տեղափոխվել են հիվանդանոց

Հուլիսի 18-ին՝ ժամը 21:19-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Շիրակի փողոցի շենքերից մեկի մոտակայքում այրվում է կայանած ավտոմեքենա:

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Մինչ փրկարարների կանչի վայր հասնելը՝ Ա. Մ.-ն և Է. Ք.-ն տեղափոխվել են բժշկական կենտրոն, որտեղ տուժածների առողջական վիճակը գնահատվել է կայուն ծանր։

Հրդեհը մարվել է ժամը 21:28-ին: Այրվել է «Mercedes-Benz» մակնիշի ավտոմեքենան: