Այս տարին չափազանց կարևոր է այս տարածաշրջանի համար։ Այն կարող է դառնալ խաղաղության տարի:
Այս մասին հայտարարել է Գերմանիայի կանցլեր Օլաֆ Շոլցը՝ Լոնդոնում եվրոպական քաղաքական համայքի գագաթնաժողովի շրջանակում ունեցած հանդիպումներից հետո:
«Ինձ համար կարևոր էր Հայաստանի վարչապետ պարոն Փաշինյանի և Ադրբեջանի նախագահ պարոն Ալիևի հետ զրույցը: Այս տարին չափազանց կարևոր է այս տարածաշրջանի համար։ Այն կարող է դառնալ խաղաղության տարի, եթե կողմերը շարունակեն գործուն և համարձակ քայլեր ձեռնարկել միմյանց ընդառաջ։ Ես առիթն օգտագործեցի՝ կողմերին նման կոչով դիմելու համար:
Եվրոպան կաջակցի Հայաստանին և Ադրբեջանին խաղաղության հաստատման ճանապարհին: Այն երկար կտևի ու երկարաժամկետ լավ համագործակցություն կապահովի հարևան երկրների համար»,- ասել է Գերմանիայի կանցլերը:
.gif)
