«Ժառանգություն» կուսակցության փոխնախագահ Արմեն Մարտիրոսյանն այսօր Ազատության հրապարակում անդրադարձավ երեկ ՄԱԿ-ի առաջարկած բանաձևին Հայաստանի դեմ քվեարկելուն:
«Օր առաջ հեռանան Հայաստանից այս իշխանությունները, քանի որ ինչպես հայտարարել էր Րաֆֆի Հովհաննիսյանը, այս դե ֆակտո իշխանությունը ծանր է նստելու մեզ վրա, սրանք դեռ ծաղիկներն են»,- ասաց պրն Մարտիրոսյանը` հավելելով, որ Հայաստանն «իզգոյ» պետություն է:
Հիշեցնենք, որ ՄԱԿ-ի Գլխավոր ասամբլեան ձայների մեծամասնությամբ Ղրիմում անցկացված հանրաքվեն անօրինական է ճանաչել:
Ղրիմի հանրաքվեի արդյունքների դեմ բանաձևին կողմ է քվեարկել 100 պետություն, 58-ը ձեռնպահ է մնացել, իսկ դեմ է քվեարկել 11 պետություն, որոնց թվում ` Հայաստանը, Բելառուսը, Բոլիվիան, Կուբան, ԿԺԴՀ-ն, Նիկարագուան, Ռուսաստանը, Սուդանը, Սիրիան, Վենեսուելան և Զիմբաբվեն:
Ըստ Մարտիրոսյանի ` Հայաստանն այսօր շատ է մտածում պուտինյան իշխանության մասին: Միասնական ուժերով օր առաջ պահանջել և պարտադրել իշխանություններին հրաժարական տալ: «Պետք է օրինական և լեգիտիմ իշխանություն ունենալ»,- ասաց Մարտիրոսյանը:
Մանրամասն ` տեսանյութում:
.gif)
