Բաքվի և Մոսկվայի միջև բարձր մակարդակի հանդիպումների ինտենսիվությունն աճել է․ Ալիև

Ադրբեջանը Ռուսաստանի հետ հարաբերություններում լուծում պահանջող խնդիրներ չունի։ Այս մասին հայտարարել է Ադրբեջանի նախագահ Իլհամ Ալիևը՝ Շուշի քաղաքում ընթացող միջազգային մեդիա ֆորումում, պատասխանելով ՏԱՍՍ-ի հարցին։

«Հարցեր, որոնք լուծում են պահանջում Ռուսաստանի հետ երկկողմ հարաբերություններում, պարզապես չկան, և բավական երկար ժամանակ, և սկզբունքորեն, մինչև դաշնակցային համագործակցության մասին հռչակագիրը ստորագրելը, մենք բոլոր հարցերը կարգավորել ենք փոխըմբռնման, փոխադարձ հարգանքի հիման վրա՝ հաշվի առնելով փոխադարձ շահերը և հաշվի առնելով մեր ժողովուրդների հարաբերությունների դարավոր պատմությունը»,- նշել է Ադրբեջանի ղեկավարը։

Ալիևի խոսքով՝ Բաքվի և Մոսկվայի միջև բարձր մակարդակի հանդիպումների ինտենսիվությունը նույնպես աճել է։