Չարենցավանի բնակիչները պատրաստվում են բողոքի ակցիաներ իրականացնել․ ինչն է պատճառը

Քաղաք Չարենցավանի բնակիչներն այս շաբաթ պատրաստվում են բողոքի ակցիաներ իրականացնել Կոտայքի մարզի մարզպետարանի դիմաց։ Այս մասին ArmLur.am-ի հետ զրույցում ասել է Չարենցավանի բնակիչներից մեկը։

Նշենք, որ նախորդ շաբաթ Չարենցավանի բնակիչներն ակցիա էին իրականացրել ՀՀ կառավարության շենքի դիմաց։

Հիշեցնենք, որ բողոքի ակցիաների դրդապատճառն այն է, որ քաղաք Չարենցավանի անձնագրային բաժանմունքը տեղափոխում են քաղաք Հրազդան, ինչը շարժել է չարենցավանցիների դժգոհությունը։