Երեկ Երեւանի նախկին քաղաքապետ Վահագն Խաչատրյանը լրագրողների հետ հանդիպմանը տեղեկացրել էր, որ Հայ ազգային կոնգրեսը պատրաստվում է նոյեմբերի 25-ի կայանալիք իր հանրահավաքին, նույնիսկ անհրաժեշտության դեպքում պատրաստ է դիմել նստացույցի կամ շուրջօրյա հանրահավաքի:
ՀԱՐՑ. Ձեր կարծիքով` Հայ ազգային կոնգրեսը կդիմի՞ նստացույցի, եւ ի՞նչ կտա այդ ակցիան քաղաքական դաշտին:
ՊԱՏԱՍԽԱՆ. Ես կարծում եմ, որ Հայ ազգային կոնգրեսը չի դիմի նստացույցի, քանի որ քաղաքական դաշում գործընթացներն իրենց բնականոն հունով են ընթանում: Իսկ եթե դիմի նստացույցի, այն քաղաքական դաշտին ոչինչ էլ չի տա:
ԱԺ ՀՀԿ խմբակցության անդամ
ՊԱՏԱՍԽԱՆ. Կարծում եմ` հնարավոր է, որ ՀԱԿ-ը դիմի նստացույցի, բայց համոզված եմ, որ այդ դեպքում Վահագն Խաչատրյանը չի նստի այլոց նման, այլ իրենց փոխարեն կգտնեն միամիտների: Իսկ ինչ վերաբերում է նրան, թե այդ ակցիան ինչ կտա քաղաքական դաշտին, կարծում եմ, որ ոչինչ էլ չի տա, քանի որ նրանք ոչ մի նոր բան չեն ասելու, ինչպես նաեւ նրանց մոտ նոր ծրագիր չկա: Նստացույցի գնալու քայլն անիմաստ եմ համարում, քանի որ մարդիկ հոգնել են շարունակ նույնը լսելուց, եթե չկա ոչ մի նորություն, ոչ մի նոր ծրագիր, մարդիկ հոգնել են այդ միօրինակ հավաքներից: Նրանք գործում են նույն սցենարով, նրանց մոտ բացակայում է քաղաքական ոգին, իրենք ունեին հնարավորություն որեւէ բան փոխելու համար, բայց չօգտագործեցին այն ու հիմա կառչել են փրփուրներից:
ԱԺ ՀՅԴ խմբակցության պատգամավոր
ՊԱՏԱՍԽԱՆ. Ես համարում եմ, որ քաղաքական գործիչներն իրենք են մշակում իրենց մարտավարությունը: Կարծում եմ` անիմաստ է մեկնաբանել Վ.Խաչատրյանի խոսքերը: Իսկ ինչ վերաբերում է, թե ինչ կտա այդ ակցիան, ասեմ, որ անիմաստ է անել կանխատեսումներ, քանի դեռ բուն գործընթացը չի սկսվել: Թող լինի, հետո կտեսնենք, թե դա ինչ արձագանք կամ ինչ նորություն կտա քաղաքական դաշտին:
ԱԺ ՕԵԿ խմբակցության ղեկավար
ՊԱՏԱՍԽԱՆ. Ինչպես ցանկացած քաղաքական ուժ, այդ թվում եւ ՀԱԿ-ն ինքն է որոշում իր քաղաքական ծրագրերի նպատակահարմարությունը: Եթե ՀԱԿ-ը որոշել է հանրահավաք հրավիրել եւ որոշել է, որ հնարավոր է` հանրահավաքին հաջորդի, ասենք, նստացույց կամ երթ, դա բացառապես ՀԱԿ-ի գործն է: Մենք ընդամենը դա ընդունում ենք ի գիտություն: Իսկ թե ինչ կտա այդ գործընթացը քաղաքական դաշտին, պետք է նշեմ, որ ընդամենը կլինի այն, որ քաղաքական դաշտը կֆիքսի, որ ՀԱԿ-ն արել է հանրահավաք եւ հրավիրել է նստացույց:
ԱԺ ԲՀԿ խմբակցության անդամ
ՊԱՏԱՍԽԱՆ. Չեմ կարող ասել` հանրահավաքից հետո կլինի նստացույց, թե ոչ: Կարծում եմ` դա կախված է ՀԱԿ-ի` այդ պահի որոշումից: Իսկ ինչ վերաբերում է նրան, թե ինչ կտա նրանց այդ քայլը քաղաքական դաշտին, կարծում եմ, որ դա տակտիկայի խնդիր է: Միգուցե նրանք հաշվարկել են, որ արդյունքի պարագայում կկարողանան խնդիրներ լուծել: Միգուցե ՀԱԿ-ը` որպես քաղաքական ուժ, իր ընտրական քայլերն է հաշվարկում, դժվար է ասել` դա դրական, թե բացասական կանդրադառնա քաղաքական դաշտի վրա:
քաղաքագետ
Պատրաստեց ՄԵՐԻ ՀՈՒՆԱՆՅԱՆԸ
.gif)
