ԱՄՆ նախագահ Ջո Բայդենը նախագահական ընտրապայքարից դուրս գալու մասին իր հայտարարությունից հետո երեկ առաջին անգամ ներկայացել է հանրությանը։ ԶԼՄ-ները կադրեր են հրապարակել, որտեղ երևում է, թե ինչպես է Բայդենը քայլում դեպի օդանավ և բարձրանում աստիճաններով:
Հիշեցնենք՝ հուլիսի 18-ին ամերիկյան լրատվամիջոցները հայտնեցին, որ Ջո Բայդենը վարակվել է կորոնավիրուսով։ Տարբեր հարթակներում լուրեր էին տարածվել, թե Բայդենը մահացել է կամ կոմայի մեջ է։
ԱՄՆ Կոնգրեսում Բայդենին կոչ են արել մինչև օրվա վերջ ապացուցել, որ ողջ է։
Նշենք նաև, որ ընտրապայքարից դուրս գալուն զուհագեռ Բայդենը հայտարարել է, որ շարունակելու է նախագահի պարտականությունները կատարել՝ մինչև պաշտոնավարման ժամկետի ավարտը։
Սպասվում է նաև, որ ԱՄՆ նախագահ Ջո Բայդենը հուլիսի 24-ի երեկոյան ուղերձով կդիմի ժողովրդին: Այս մասին Բայդենը գրել է X-ի իր էջում:
«Երեկոյան ժամը 8-ին Օվալաձև սենյակից կդիմեմ ժողովրդին, թե ինչ է սպասվում առաջիկայում, և ինչպես կավարտեմ աշխատանքս ամերիկացի ժողովրդի համար», – գրել է ԱՄՆ նախագահը։
Մանրամասները՝ տեսանյութում։
Քրիստինա Մուշեղյան
.gif)
