Մենք աջակցում ենք Ուկրաինային, բայց չենք մասնակցում ՌԴ-ի դեմ պատժամիջոցներին․ Արգենտինայի դեսպան

Արգենտինան ներգրավված չէ հակառուսական պատժամիջոցների մեջ և որևէ խնդիր չի տեսնում Մոսկվայի հետ բանակցություններում։ Այս մասին ՏԱՍՍ-ին հայտնել է ՌԴ-ում Հանրապետության դեսպան Էնրիկե Իգնասիո Ֆերեր Վիեյրան։

«Մենք չենք մասնակցում Ռուսաստանի դեմ պատժամիջոցներին։ Իհարկե, մենք աջակցում ենք Ուկրաինայի դիրքորոշմանը, մենք աջակցում ենք Ուկրաինային, բայց մենք չենք մասնակցում պատժամիջոցներին»,-ասել է դիվանագետը:

Գործակալության զրուցակիցը նշել է, որ խնդիրներ չի տեսնում Մոսկվայի և Բուենոս Այրեսի միջև «տարբեր մակարդակներում» բանակցությունների համար։