Փոշու պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում

«Հիդրոօդերևութաբանության և մոնիթորինգի կենտրոն» ՊՈԱԿ-ը հայտնել է՝ ինչպիսին է Երևանում մթնոլորտային օդի որակը հուլիսի 18-24-ը։

Փոշու պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում հուլիսի 18-ին, 20-ին, 22-ին և 24-ին, Շենգավիթում՝ հուլիսի 21-ին և 22-ին, Նոր Նորքում՝ հուլիսի 18-ին և 24-ին, Արաբկիրում՝ չի գերազանցել։

Ազոտի և ծծմբի երկօքսիդների պարունակությունները չեն գերազանցել սահմանային թույլատրելի կոնցենտրացիան։