Բացի ստանդարտ մեթոդներից, ոլորտի առաջատարներն ու առողջապահության ոլորտի փորձագետները կոչ են անում ավելի մանրամասն մոտեցում ցուցաբերել ծխելու դեմ պայքարում:
Times Now Doctors Day համաժողովը համախմբել էր առողջապահական առաջատար մասնագետներին քննարկելու Հնդկաստանի առջև ծառացած հրատապ առողջապահական խնդիրները: Այդպիսի կարևոր խնդիրներից մեկն է ծխելու վնասակար հետևանքները։ Չնայած գործող քաղաքականությունը նպատակ ունի սահմանափակել սիգարետի սպառումը, մարդկային և տնտեսական կորուստները դեռևս մնում են զգալի:
Ծխելու դեմ պայքարի ներկայիս ազգային քաղաքականությունը ցանկալի արդյունքների չի հասել։ Ամեն տարի միլիոնավոր մարդիկ մահանում են ծխելու հետ կապված հիվանդություններից՝ ծանր բեռ դնելով Հնդկաստանի առողջապահական համակարգի վրա։ Կոնկլավի ընթացքքում «Հնդկաստանին անհրաժեշտ է նոր և համապարփակ մոտեցում կախվածության հետ կապված հիվանդությունների դեմ պայքարում» թեմայով պանելային քննարկումը, ընդգծվեց կախվածության հետ կապված հիվանդությունների դեմ պայքարի նոր և համապարփակ մոտեցման հրատապ անհրաժեշտությունը, հատկապես հիմնական պատճառը՝ նիկոտինային կախվածությունը:
RPG Life Sciences-ի փոխնախագահ և գործադիր տնօրեն Յուգալ Սիկրին ընդգծելով իրավիճակի լրջությունը նշել է հետևյալը. «Ոչ վարակիչ հիվանդությունների դեմ պայքարը չափազանց կարևոր է, որը պահանջում է նոր և համապարփակ մոտեցում կախվածության հետ կապված հիվանդությունների դեմ պայքարում», – ասել է նա։
Բանավեճը ավելի թեժացել է այն բանից հետո, երբ Յուգալ Սիկրին մտածելու տեղիք տվող հարց է տվել՝ ի՞նչն է ավելի մեծ սպառնալիք՝ բուն նիկոտինը, թե՞ նիկոտինի մատակարարման եղանակը:
Հանրային առողջության առաջատար փորձագետ՝ բժիշկ Սեկեիրան՝ պնդել է, որ պետք է հստակ տարբերակել նիկոտինն ու սիգարետը: Նա կարևորել է նիկոտինի հետ կապված ապատեղեկատվության խնդիրը նույնիսկ բժշկական մասնագետների շրջանում։
Նիկոտինը կախվածություն է առաջացնում, սակայն սիգարետի, և այլնի մեջ հայտնաբերված նիկոտինը անմիջականորեն պատասխանատու չէ քաղցկեղի, թոքերի և սրտի հիվանդությունների համար, որոնք ամեն տարի դառնում են հարյուր հազարավոր հնդկացիների մահվան պատճառ: Այո, նրանք բոլորը կախվածություն են ձեռք բերում նիկոտինից և երկար ժամանակ մնում են կախվածության մեջ: Բայց սիգարետի և ծխախոտի այրման հետևանքով առաջացած ծխի մեջ պարունակվող այլ քիմիական միացություններն են առաջացնում հիվանդություն և մահ, այլ ոչ թե նիկոտինը: Այսպիսով, մենք պետք է նոր հայացք գցենք բուն նիկոտինին և ինչպես է դրա կախվածությունը կապված դրա մատակարարման մեխանիզմի հնարավոր վնասների հետ:
Mankind Pharma-ի ավագ նախագահ Աթիշ Մաջումդարն ընդգծել է. «Մենք կանգնած ենք հսկայական մարտահրավերի առաջ: Իրազեկության բարձրացումը չափազանց կարևոր է կախվածության հետևանքով առաջացած հիվանդությունների դեմ պայքարի և վնասի նվազեցման խթանման համար: Կարևոր է հստակորեն սահմանել կախվածությունը: Բացի ծխախոտից, շաքարավազն ու աղը նույնպես կարևոր դեր են խաղում կախվածության հետևանքով առաջացած ոչ վարակիչ հիվանդությունների զարգացման գործում»,- նշել է նա։
Այսպիսով, առողջության ռիսկի պիտակավորումը չափազանց կարևոր է կախվածության հետ կապված ցանկացած հիվանդությունների համար՝ լինի դա ծխախոտ, թե սննդամթերք:
Խմբակային քննարկման ընթացքում ընդունվել է, որ ծխելու ընդհանուր ազդեցության ավելի մանրամասն մոտեցում է պահանջվում: Ծխելու «վնասի կշռի» կամ «ռիսկի դասակարգման» նոր մոտեցում է հարկավոր, ըստ էության ստեղծելով ծխախոտի օգտագործման ինդեքս, որը հաշվի է առնում տարբեր ապրանքների միջև ռիսկի տարբերությունները:
Քննարկման վերջում Կոնկլավը եզրափակվել է կոչ անելով հանրային առողջության նոր ռազմավարություն, որը կներառի ծխախոտային արտադրանքի ռիսկի վրա հիմնված պրոֆիլավորում: Այս ռազմավարությունը հաշվի կառնի նիկոտինային կախվածության բարդությունները և առաջնահերթություն կդնի Հնդկաստանի բնակչության բարեկեցության վրա: Ծխելու հետ կապված հիվանդացության և մահացության նվազեցմանն ուղղված ընտանիքի և համայնքի վրա հիմնված մոտեցումը պետք է ճանաչի, որ ծխելու հիմնական խնդիրը նիկոտինի մատակարարաման համակարգն է: Խրախուսելով առողջապահական մասնագետների միջև բաց բանավեճը և նորարարական քաղաքականություններ իրականացնելով՝ Հնդկաստանը կարող է նոր ուղի գծել ծխելու հետ կապված հիվանդությունների դեմ պայքարում:
.gif)
