Շվեդիայի էներգետիկայի և արդյունաբերության նախարար Էբբա Բուշը և ԱՄՆ էներգետիկայի նախարար Ջենիֆեր Գրանհոլմը Վաշինգտոնում ստորագրել են փոխըմբռնման հուշագիր միջուկային էներգիայի ոլորտում երկկողմ համագործակցության վերաբերյալ։ Համաձայնագրի նպատակն է ամրապնդել համագործակցությունը երկու երկրների միջև՝ նպատակ ունենալով «նպաստել նոր միջուկային էներգիայի զարգացմանը»,-հայտարարել են Շվեդիայի կառավարության գրասենյակում:
«Շվեդիան և ԱՄՆ-ը այժմ կհամագործակցեն միջուկային էներգիայի հարցում: Դա լավ է Շվեդիայի համար: Դա լավ է Միացյալ Նահանգների համար, աշխատատեղերի և մրցունակության համար»,- մեկնաբանել է Բուշը: Փաստաթղթի համաձայն՝ երկրները «փորձի փոխանակում կկատարեն քաղաքականության, հետազոտության և նորարարության հետ կապված հարցերի շուրջ, որոնք, ի թիվս այլ բաների, կապված են մատակարարման շղթաների, ֆինանսավորման մոդելների, իրավասու մատակարարման և առաջադեմ միջուկային վառելիքի զարգացման հետ»:
Շվեդիայում երեք ատոմակայաններում (Forsmark, Ringhals և Oskarshamn) ներկայումս գործում են վեց ռեակտորներ: Թագավորության կառավարությունը հայտարարել է մինչև 2035 թվականը ևս երկուսը կառուցելու մտադրության մասին։ 2023 թվականի աշնանը երկրի խորհրդարանը պաշտպանել էր ատոմային էներգիայի օրինագիծը, որը թույլ է տալիս կառուցել նոր ատոմակայաններ։
.gif)
