Զելենսկին ևս երեք ամսով երկարացրել է ռազմական դրությունը Ուկրաինայում

Ուկրաինայի նախագահ Վլադիմիր Զելենսկին ստորագրել է Գերագույն Ռադայի ընդունած օրենքները՝ ռազմական դրության և ընդհանուր մոբիլիզացիայի ժամկետը ևս 90 օրով երկարացնելու մասին։ Այս մասին են վկայում Ուկրաինայի խորհրդարանի կայքի տվյալները։

Ռազմական դրության և զորահավաքի ժամկետը լրացել էր օգոստոսի 11-ին։

Ռազմական դրությունը և ընդհանուր մոբիլիզացիան Ուկրաինայում մտցվել էին 2022 թվականի փետրվարի 24-ին և դրանից հետո մի քանի անգամ երկարացվել էին։

Ռազմական դրության կրկնակի երկարաձգումը անհնարին է դարձրել երկրում խորհրդարանական և նախագահական ընտրությունների անցկացումը։

Այդ կապակցությամբ Ուկրաինայում ակտիվորեն քննարկվում է Զելենսկու լեգիտիմության հարցը, ում պաշտոնավարման հնգամյա ժամկետը լրացել է մայիսի 21-ի գիշերը։