Քաղաքագետ Արմեն Աղայանը համոզված է, որ ՀՀԿ-ն չի զիջելու վարչապետի հարցում: Ապրիլի 28-ին չորս ուժերի կառավարությանն անվստահություն հայտնելու առաջարկին ՀՀԿ-ն դեմ է քվեարկելու: «Եթե իհարկե, գաղտնի մի 20 ՀՀԿ-ական չեն լքել իրենց կուսակցության շարքերը և դարձել ԲՀԿ-ական»,- ասաց քաղաքագետը:
Քաղաքագետի կարծիքով, եթե անգամ ՀՀԿ-ն համաձայնի վարչապետ փոխել ՝ տեղը կդնի իր թեկնածուին:
Բանախոսի խոսքով ` եթե հասարակական ճնշումները շատ լինեն, Սերժ Սարգսյանը փուլ առ փուլ կհանձնի իշխանությունը:
Armlur.am լրատվականը հետաքրքրվեց ` արդյոք չորս ուժերի համագործակցության հետևում կանգնած չէ Ռոբերտ Քոչարյանը, ով ցանկություն ունի վերադառնալ իշխանության:
Քաղաքագետի խոսքով ` Քոչարյանի վերադարձի փորձերը ցանկության դրսևորում է:
ԲՀԿ-ի կապերը նախկին նախագահի հետ ևս ակնհայտ են ՝ հետևաբար Քոչարյանի վերադարձի հավանականությունը կա:
«Մյուս կողմից ՀԱԿ-ի համար մահացու կլինի Քոչարյանի վերադարձը, հետևաբար այս բարդ խնդիրը կա չորս ուժերի օրակարգում: Կարծում եմ, որ քաղաքական չորս ուժերը ունեն հավանաբար որոշ երաշխիքներ, որ այս փուլում Ռոբերտ Քոչարյան չկա»,- եզրափակեց պրն Աղայանը:
.gif)
