Իսրայելը կպահպանի մարդասիրական նորմերը միայն այն դեպքում, եթե բախվի միջազգային հանրության ճնշմանը։ Իրանի արտգործնախարարության խոսնակ Նասեր Քանանին այսպես է արձագանքել Իսրայելի ֆինանսների նախարար Բեզալել Սմոտրիչի հայտարարություններին, որոնք կոչ են անում արգելափակել Գազայի հատվածին օգնություն մատակարարելը։
«Աշխարհը հիմա պետք է հասկանա, որ Իսրայելը կհամապատասխանի միջազգային իրավունքին միայն այն դեպքում, եթե բախվի ճնշման և վճռական գործողությունների»,-գրել է Քանանին X-ում:
«Եվրոպան ավելի լավ է անմիջապես դադարեցնի այս ռեժիմին քաղաքական և ռազմական աջակցությունը»,- ընդգծել է դիվանագետը։
.gif)
