Երևանում որոշ փողոցներ փակ կլինեն

Ճանապարհաշինարարական աշխատանքներով պայմանավորված, օգոստոսի 9-ից մինչև օգոստոսի 30-ը՝ ժամը 23:00-ից մինչև 08:00-ն 1-ին փուլով միակողմանի փակ է լինելու Է Հասրաթյան փ. – Ուլնեցու փ. խաչմերուկից մինչև Է. Հասրաթյան փ. – Զ. Քանաքեռցու փ. խաչմերուկ եղած ճանապարհահատվածը:

Երթևեկությունն իրականացվելու է հանդիպակաց ուղղության երթևեկելի մեկ գոտու հաշվին, այնուհետև՝ հակառակ ուղղությամբ:

2-րդ փուլով փակ է լինելու Մինաս Ավետիսյան փողոցը:

Այս մասին հայտնում են Երևանի քաղաքապետարանից։