ՏԵՍԱՆՅՈՒԹ․ Խուզարկել են Արաբկիրի նախկին թաղապետ Արամ Ազատյանի տունը, աներոջ տնից տարել են 9900 դոլար․ մտել են նաև հայրիկի տուն և թաղապետարան

ArmLur.am-ին հասած տեղեկությունների համաձայն՝ իրավապահնեը խուզարկել են Արաբկիրի թաղապետ Արամ Ազատյանի հայրիկի, աներոջ տունը եւ աներոջ տանից տարել են 9900 դոլար, որն, ինչպես բացատրել են ընտանիքի անդամները, առևտրով են զբաղվում եւ իրենց տան գումարն է:

Ավելին, ArmLur.am-ին հասած տեղեկությունների համաձայն, իրավապահները խուզարկել են նաեւ թաղապետարանն ու տարել այնտեղից մի քանի համակարգիչ:

Հիշեցնենք, որ Վերաքննիչ դատարանը բավարարել է Գլխավոր դատախազության բողոքն ու Արաբկիրի թաղապետ Արամ Ազատյանին տնային կալանքից տարել են բանտ: Փաստաբան Արթուր Պիվազյանից ArmLur.am-ը փորձեց պարզել տեղեկությունը, ի պատասխան նա հայտնեց, որ խափանման միջոցը փոխվել է:

Հայտնել էինք, որ երեկ ՀՀ վերաքննիչ դատարանը քննելու է դատախազության բողոքը, որով նա պահանջում է Արաբկիրի նախկին թաղապետ Արամ Ազատյանին տեղափոխել բանտ, եւ որ նա տանը չկրի կալանքը։

Հիշեցնենք, որ Քննչական կոմիտեն տեղեկացրել էր, որ ՔԿ պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում համապատասխան քրեական վարույթը նախաձեռնվել և քննվում է քրեական օրենսգրքի 441-րդ հոդվածի («Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը») 2-րդ մասի 2-րդ և 4-րդ կետերի, 46(հանցակցություն)-441-րդ հոդվածի 2-րդ մասի 2-րդ և 4-րդ կետերի, 435-րդ հոդվածի («Կաշառք ստանալը») 2-րդ մասի 3-րդ և 4-րդ կետերի, 436-րդ հոդվածի («Կաշառք տալը») 2-րդ մասի 3-րդ կետի և 437-րդ հոդվածի («Կաշառքի միջնորդությունը») 1-ին մասի հատկանիշներով։ ՔՕ տարբեր հոդվածներով մեղադրանքներ են ներկայացվել 8 անձանց, այդ թվում՝ Երևանի Արաբկիր վարչական շրջանի աշխատակազմի 3 պաշտոնատար անձանց: Նշված բոլոր անձինք ձերբակալվել են:

Մեղադրյալներից 4-ի, այդ թվում` երկու պաշտոնատար անձանց նկատմամբ որպես խափանման միջոց է կիրառվել կալանքը, մյուս պաշտոնատար անձի նկատմամբ՝ տնային կալանքը և համակցված` գրավը՝ 30 մլն դրամի չափով։ Եվս 3 անձի նկատմամբ որպես խափանման միջոց է կիրառվել բացակայելու արգելքը»:

Փաստաբան Արթուր Պիվազյանը ֆեյսբուքյան էջում գրել է․

Մանրամասները՝ տեսանյութում։

Քնար Մանուկյան