Իրանը կհետաձգի իր ծրագրած «հատուցումը» Իսրայելի նկատմամբ

Իրանը, ամենայն հավանականությամբ, կհետաձգի իր ծրագրած «հատուցումը» Իսրայելի նկատմամբ՝ ի պատասխան Թեհրանում սպանված ՀԱՄԱՍ-ի առաջնորդ Իսմայիլ Հանիեի: Պատճառը Գազայի հատվածում հրադադարի բանակցություններն են։ Այս մասին հայտնում է The New York Times-ը։

Հրատարակությունը հիշեցրել է, որ ԱՄՆ-ի, Իսրայելի, Եգիպտոսի և Կատարի պաշտոնյաները հանդիպել են ուրբաթ օրը Կատարի մայրաքաղաք Դոհայում՝ բանակցություններ վարելու Իսրայելի և ՀԱՄԱՍ-ի միջև տարաձայնությունները լուծելու համար։

Նման բանակցություններից հետո Կատարի վարչապետը զանգահարել է Իրանի արտգործնախարարի պաշտոնակատար Ալի Բաղերի Քանիին։ Հրատարակության աղբյուրների փոխանցմամբ՝ Կատարի պաշտոնյան կոչ է արել Իրանին զերծ մնալ ցանկացած գործողություններից, որոնք կարող են հանգեցնել էսկալացիայի։