Ղրղզստանի և Տաջիկստանի տեղագրական խմբերի ներկայացուցիչները քննարկել են սահմանային գծի նկարագրությունն այն հատվածներում, որոնք մնում են չբաժանված: Այս մասին հաղորդել են Ղրղզստանի նախարարների կաբինետի մամուլի ծառայությունում։
«Ձեռք բերված համաձայնությանը համապատասխան՝ 2024 թվականի օգոստոսի 11-ից մինչև 17-ը Ղրղզստանի Հանրապետության Բատկենի շրջանի Բատկեն քաղաքում տեղի է ունեցել Ղրղզստանի Հանրապետության և Տաջիկստանի Հանրապետության կառավարական պատվիրակությունների տեղագրական աշխատանքային խմբերի և իրավական հարցերով աշխատանքային խմբերի հերթական հանդիպումը ղրղզատաջիկական պետական սահմանի սահմանագծման և սահմանազատման վերաբերյալ», – հաղորդագրությունից հատված է մեջբերում ՏԱՍՍ-ը։
Նշվում է, որ հանրապետությունների ներկայացուցիչները կշարունակեն մնացած հատվածների նկարագրումը հաջորդ հանդիպմանը, որը տեղի կունենա Տաջիկստանում։
Ղրղզստանի և Տաջիկստանի միջև պետական սահմանի երկարությունը կազմում է մոտ 980 կմ։ Դրա սահմանազատման շուրջ բանակցությունները (պետական սահմանի սահմանում՝ դրա անցման նկարագրությամբ և քարտեզի վրա գծանշմամբ) շարունակվում են 2002 թվականի դեկտեմբերից։ Ներկայումս պետությունների կողմից սահմանվել և փոխադարձաբար ճանաչվել է սահմանային գծի ավելի քան երկու երրորդը, մնացած հատվածները համարվում են վիճելի։
Այդ հարցի չկարգավորվածությունը բազմիցս դարձել է բախումների պատճառ երկու հանրապետությունների սահմանամերձ շրջանների բնակիչների և զինվորականների մասնակցությամբ, այդ թվում՝ հրազենի կիրառմամբ։
Ղրղզստանն ավարտել է սահմանազատումը և սահմանագծումը բոլոր հարևան պետությունների հետ, բացառությամբ Տաջիկստանի:
.gif)
