Գիտնականները օգոստոսի 22-ին Արեգակի վրա գրանցել են M դասի երկու հզոր բռնկում, ՏԱՍՍ-ին հայտնել են Կիրառական երկրաֆիզիկայի ինստիտուտից:
Զեկույցում նշվում է, որ առաջին բռնկումը տեղի է ունեցել հինգշաբթի գիշերը։
«Օգոստոսի 22-ին 18 րոպե տևողությամբ M5.1/2N բռնկում է հայտնաբերվել արևային բծերի խմբում 3796 (S03E28) ռենտգենյան ճառագայթների տիրույթում»,- հայտնում են ինստիտուտից։
Բացի այդ, ավելի ուշ գիտնականները գրանցել են 15 րոպե տևողությամբ M1.5 բռնկում: Երկու բռնկումն էլ ուղեկցվել է HF ռադիոկապի խաթարմամբ, ասվում է զեկույցում:
Տիեզերական եղանակի մոնիտորինգի համաձայն՝ վերջին 24 ժամվա ընթացքում արեգակնային ռենտգենյան ճառագայթների ազդեցության մակարդակը Երկրի իոնոլորտի վրա եղել է R2 (չափավոր) մակարդակում՝ հինգ ցուցիչի սանդղակով, որտեղ ամենաբարձրը՝ R5-ն է (ծայրահեղ)։
Ներկայումս բոլոր սանդղակները, այդ թվում՝ Երկրի մագնիսական դաշտի խախտման աստիճանը, գտնվում են զրոյական մակարդակի վրա (հանգիստ)։
Արեգակնային բռնկումները, կախված ռենտգենյան ճառագայթման հզորությունից, բաժանվում են հինգ դասի՝ A, B, C, M և X:
.gif)
