Դատավոր Մհեր Արղամանյանի լիազորությունները կդադարեցվեն․ հայտնի է պատճառը

Պաշտոնավարման տարիքը լրանալու կապակցությամբ՝ Վերաքննիչ քրեական դատարանի դատավոր Մհեր Սերյոժայի Արղամանյանի լիազորությունները կդադարեցվեն: Այս մասին ArmLur.am-ը տեղեկացավ ԲԴԽ-ից:

«Հիմք ընդունելով Վերաքննիչ քրեական դատարանի դատավոր Մհեր Սերյոժայի Արղամանյանի 65 տարին 2024 թվականի սեպտեմբերի 2-ին լրանալու հանգամանքը և ղեկավարվելով Հայաստանի Հանրապետության Սահմանադրության 166-րդ հոդվածի 8-րդ մասով, «Հայաստանի Հանրապետության դատական օրենսգիրք» սահմանադրական օրենքի 89-րդ հոդվածի 1-ին մասի 9-րդ կետով, 160-րդ հոդվածի 1-ին մասի 2-րդ կետով, 160-րդ հոդվածի 3-րդ մասով և 94-րդ հոդվածի 1-ին մասով` Բարձրագույն դատական խորհուրդը

Ո Ր Ո Շ ՈՒ Մ Է

1. Պաշտոնավարման տարիքը լրանալու կապակցությամբ՝ 2024 թվականի սեպտեմբերի 2-ից Վերաքննիչ քրեական դատարանի դատավոր Մհեր Սերյոժայի Արղամանյանի լիազորությունները համարել դադարած»,- ասված է ԲԴԽ որոշման մեջ: