Հյուսիսատլանտյան դաշինքի (ՆԱՏՕ) գլխավոր քարտուղար Յենս Սթոլտենբերգը ընդունել է իր տեղակալ Միրչա Ջեոանայի հրաժարականը։
«Արմենպրես»-ի հաղորդմամբ՝ այս մասին նշված է ՆԱՏՕ-ի մամուլի ծառայության հաղորդագրության մեջ։«Սթոլթենբերգն ընդունել է նրա հրաժարականը և շնորհակալություն հայտնել Ջոանին ծառայության համար», – ասված է փաստաթղթում։
Հաղորդվում է, որ որոշումն ուժի մեջ կմտնի սեպտեմբերի 10-ից։
«Միրչեն ծառայել է ՆԱՏՕ-ին մոտ հինգ տարի: Նրա ուշադրությունը տեխնոլոգիաների և առաջացող անվտանգության մարտահրավերների վրա չափազանց կարևոր է Դաշինքի նորարարությունը խթանելու համար: Նա իսկական տրանսատլանտիստ է, և գործընկերների հետ նրա աշխատանքը մեծապես օգուտ է տվել ՆԱՏՕ-ին: Նրան ամենայն բարիք եմ մաղթում ապագայում»,- ասել է Սթոլտենբերգը:
Ավելի վաղ Politico թերթը, վկայակոչելով աղբյուրներ, հայտնել էր, որ Ջեոանան պատրաստվում է լքել ՆԱՏՕ-ի գլխավոր քարտուղարի տեղակալի պաշտոնը, որպեսզի մասնակցի Ռումինիայի նախագահական ընտրություններին։
.gif)
